MIGRATION # ÌṢÍKÚRÒ

By Hakeem O. Adeniyan on Friday, February 25, 2022

*MIGRATION # ÌṢÍKÚRÒ*

Oríkì: Ìṣíkúrò ni a máa ń kì gẹ́gẹ́ bíi ìṣípòpadà àwọn ènìyàn kúrò ní agbègbè onímọ̀-ilẹ̀ kan sí òmíràn, pẹ̀lú ìkópa ibùgbé tàbí ibùtẹ̀dó onígbà-pípẹ́ tàbí onígbà-díẹ̀. Ní ti ìṣíkúrò, agbègbè ibi tí àwọn ènìyàn ti ń kúrò ni à ń pè ní agbègbè orísun nígbà tí à ń pe agbègbè tí àwọn ènìyàn ń wọ̀ ní agbègbèe gbígbà tàbí agbègbè òpin-àjò.

*Types of migration # Oríṣiríṣi iṣíkúrò*

(1) Emigration # Ìṣílọ: Èyí ni oríṣi ìṣíkúrò nínú èyí tí àwọn ènìyàn ti máa ń fi orílẹ̀èdè tiwọn sílẹ̀, èyí nnì ìṣípòpadà kúrò ní orílẹ̀èdè kan.

(2) Immigration # Ìṣíwá: Èyí ni oríṣí ìṣíkúrò nínú èyí tí àwọn ènìyàn ti ń wọ orílẹ̀èdè mìíràn, èyí nnì ìṣípòpadà wà sínú orílẹ̀èdè mìíràn.

*Factors affecting migration # Àwọn olùṣe tó ń lapa lórí ìṣíkúrò*

(1) Natural disasters # Àwọn àjálù àdámọ́: Ìṣẹ̀lẹ̀ àwọn àjálù àdámọ́ bíi ẹ̀kún-omi, ìyàn, ọ̀dá àti ilẹ̀-ríri lè jẹ́ kí àwọn ènìyàn ṣíkúrò níbì kan lọ sí òmíràn.

(2) Physical conditions # Àwọn ìṣesí onímọtara: Àwọn ìṣesí onímọtara ibì kan bíi ojú-ìgbà, ilẹ̀, àti gegele lè ṣokùnfà ìṣíkúrò àwọn ènìyàn, pàápàá nígba tí irúfẹ́ àwọn ìṣesí bẹ́ẹ̀ kò bá gbeni.

(3) Insecurity # Àìsáàbò: Ìbẹ̀rù àìsáàbò tó jẹyọ látara ogun, àìfararọ ní ti òṣèlú, abbl, lè jẹ́ kí àwọn ènìyàn ṣíkúrò.

(4) Differences in economic opportunities # Àwọn ìyàtọ̀ àǹfààní ọlọ́rọ̀ajé: Látàrí èyí, àwọn ènìyàn máa ń fẹ́ ṣílọ sí ibi tí àwọn àǹfààní ọlọ́rọ̀ajé púpọ̀ síi wà, bíi iṣẹ́ àti òwò ṣíṣe.

(5) Changes in status # Àyípadà ìsọlọ́jọ̀: Àyípadà ìsọlọ́jọ̀, bí àpeerẹ, àkàsọ̀ gíga ní ti ẹ̀kọ́ àti ọrọ̀, lè mú kí àwọn ènìyàn ṣí kúrò ní ìgbèríko lọ sí ìgboro.

(6) Differences in social amenities # Ìyàtọ̀ àwọn ohun amúlùúdùn: Látàrí ìyàtọ̀ nínú wíwà omi, ọ̀nà àti ẹ̀lẹ́ríríkì, àwọn ènìyàn máa ń fẹ́ ṣílọ síbi tí àwọn ohun amúlùúdùn wọ̀nyìí wà dáadáa.

*Solutions to problems of rural-urban migration # Ìyanjú ìṣòro ìṣíkúrò ìgbèríko sí ìgboro*

Ọ̀kan gbòógì nínú àwọn ìrí ìṣíkúrò tó máa ń fẹ́ fa ìṣòro ní àwọn orílẹ̀èdè tó ń dàgbàsókè ni ìṣíkúrò ìgbèríko sí ìgboro. Níwọ̀n ìgbà tí a ti mọ̀ pé ìrí ìṣíkúrò yìí jẹ́ ìṣòro gbòógì, a ti pèsè àwọn ìyanjú lójúnà àti-dènà ìṣẹ̀lẹ̀ àpọ̀jù-ènìyàn ní àwọn agbègbèe gbígbà. Àwọn ìyanjú sí àwọn ìṣoro ìṣíkúrò ìgbèríko sí ìgboro níkòósínú:

(1) Provision of social amenities # Ìpèsè àwọn ohun amúlùúdùn: Ìpèsè àwọn ohun amúlùúdùn bíi omi, ẹ̀lẹ́tíríkì, ilée sinimọ́, ọ̀nà àti ẹ̀rọ-ìbánisọ̀rọ̀ ní ìgbèríko yóò rìn jìnnà láti ṣe àdínkù ìdíwọ̀n tí àwọn ọ̀dọ́ fi ń ṣílọ sí ìgboro.

(2) Transformation of traditional agriculture to modern agriculture # Ìṣàtúndá iṣẹ́-ọ̀gbìn ìṣẹ̀ṣe sí iṣẹ́-ọ̀gbìn ìgbàlóde: Èyí yóò jẹ́ kí àwọn ọ̀dọ́ lè múṣẹ́ṣe nínú iṣẹ́-ọ̀gbìn ní bí ètò náà yóò ṣe sọ ọ̀gbìn di ohun tí ọkàn ń fẹ́.

(3) Establishment of industries # Ìgbékalẹ̀ àwọn iléeṣẹ́: Ìgbékalẹ̀ àwọn iléeṣẹ́, àwọn àkànṣe-iṣẹ́ àti àwọn òwò, tí yóò gba àwọn olùgbélùú tó ń ṣiṣẹ́, tí yóò sì ṣàyípadà ìṣípòpadàa làálàá, yóò rìn jìnnà láti ṣàdínkù ìṣíkúrò ìgbèríko sí ìgboro.

(4) Establishment of educational institutions # Ìgbékalẹ̀ àwọn ilé-ẹ̀kọ́: Ìgbékalẹ̀ àwọn kọ́lẹ́ẹ̀jì àti àwọn ilé-ẹ̀kọ́ gíga mìíràn ní ìgbèríko yóò ṣèrànwọ́ láti ṣàdínkù ṣíṣílọ sí ìgboro.

(5) Establishment of corporate branches # Ìgbékalẹ̀ àwọn ẹ̀ka kọ́ńpìnnì: Àwọn ẹ̀ka ìjọba, iléeṣẹ́ òwò àti àwọn àgbékalẹ̀ olówónàá ni a gbọ́dọ̀ gbà níyànjú láti dá àwọn ẹ̀ka wọn sílẹ̀ ní ìgbèríko.

(6) Provision of recreation facilities # Ìpèsè àwọn ìrọ̀rùn ìgbafẹ́: Tí a bá pèsè àwọn ìrọ̀rùn ìgbafẹ́ bíi àwọn pápá ìṣeré, adágún ìlúwẹ̀ẹ́, ilée sínimọ́ àti ọgbà ìdárayá ní ìgbèríko, èyí yóò ṣàdínkù ìfẹ́ àwọn ọ̀dọ́ wa láti ṣílọ sí ìgboro.

*~Hakeem O. Adeniyan, 12/2/2022*

*+2347034251583*

Search This Blog

Economics In Yoruba Language

MIGRATION # ÌṢÍKÚRÒ

Comments

Post a Comment

Popular posts from this blog

MONEY EXPLAINED IN YORUBA LANGUAGE # OWÓ

COMMERCIAL BANKS # BÁŃKÌ KÁRÀKÁTÀ

AGRICULTURE # IṢẸ́-Ọ̀GBÌN

MIGRATION # ÌṢÍKÚRÒ

Comments

Post a Comment

Popular posts from this blog

*MONEY EXPLAINED IN YORUBA LANGUAGE # OWÓ*

COMMERCIAL BANKS # BÁŃKÌ KÁRÀKÁTÀ

*AGRICULTURE # IṢẸ́-Ọ̀GBÌN*

MONEY EXPLAINED IN YORUBA LANGUAGE # OWÓ

AGRICULTURE # IṢẸ́-Ọ̀GBÌN