*POPULATION CENSUS # ÌKÀNÌYÀN*

A lè kì ìkànìyàn gẹ́gẹ́ bí òǹkà oríòjorí gbogbo ọmọ orílẹ̀èdè kan ní àkókò kan pàtó. Ó tọ́ka sí òǹkà láti ọwọ́ ìjọba ní ti àwọn ọmọkùnrin, àwọn ọmọbìnrin, àwọn géńdékùnrin àti àwọn géńdébìnrin, tó fi mọ́ àwọn aláàbọ̀-ara, nínú orílẹ̀èdè kan ní àsìkò kan pàtó.

A sábà máa ń ṣe ìkànìyàn ní ọdún mẹ́wàá mẹ́wàá. Nígbà tí a bá ti ṣe ọ̀wọ́ àwọn ìkànìyàn kan dáradára, ó máa ń padà rọrùn síi, nípa lílo ìdíwọ̀n ìdàgbà, láti diyelé iye-ènìyàn láàárín àsìkò àwọn òǹkà náà.

Ìkànìyàn máa ń pèsè ìwífúnni nípa ọjọ́orí, akọn̄bábo, iṣẹ́èṣe àti ibùgbé.

*Importance of population census # Pàtàkì ìkànìyàn*

(1) Population size # Títóbi iye-ènìyàn: Ìkànìyàn máa ń ṣèrànwọ́ fún ìjọba láti mọ iye ẹni tó ń gbé orílẹ̀èdè àti ìhun (structure) àwọn olùgbélùú.

(2) Revenue estimates # Ìdíyelé owó-àpawọléeṣẹ́: Ó máa ń ṣèrànwọ́ láti pinnu lórí àwọn géńdé tó ṣe í buwóorí lé lójúnà àti-mọ iye owó-àpawọléeṣẹ́ tí a óò máa retí ní abala náa.

(3) Forecast of future economic needs # Àsọtẹ́lẹ̀ àwọn bùkátà ọlọ́rọ̀ajé ọjọ́ọwájú, bí àpẹẹrẹ ilégbèé àti oúnjẹ.

(4) Determination of the level of unemployment # Ìpinnu lórí àkàsọ̀ àìníṣẹ́: Ìkànìyàn máa ń pèsè òǹkádẹ̀rí fún ìjọba láti pinnu lórí àkàsọ̀ àìníṣẹ́ lórílẹ̀èdè.

(5) Determination of standard of living # Ìpinnu lórí ìgbéayé ìpéwọ̀n: Ìkànìyàn tún máa ń ṣèrànwọ́ láti pinnu lórí ìgbéayé ìpéwọ̀n ní ti àwọn ènìyàn orílẹ̀èdè kan nípasẹ̀ owó-àpawọlé orí kọ̀ọ̀kan.

(6) Formulation of economic policies # Ìṣàgbékalẹ̀ àwọn àlàkalẹ̀ ọlọ́rọ̀ajé: Iye-ènìyàn inú orílẹ̀èdè kan ni a máa ń lò láti ṣàgbékalẹ̀ àwọn àlàkalẹ̀ ọlọ́rọ̀ajé. Bí àpẹẹrẹ, àgbékalẹ̀ owó-àpawọlé nígbà mìíràn la máa ń gbé lórí àwọn fígọ̀ iye-ènìyàn.

(7) Number of immigrants # Iye àwọn aṣíwá: Iye àwọn aṣíwá ní orílẹ̀èdè kan ni a lè mọ̀ tàbí díyelé ní gbígbé lórí iye-ènìyàn.

(8) Distribution of resources # Ìpínká àwọn ọrọ̀: Ìkànìyàn máa ń ṣèrànwọ́ fún ìjọba lórí ìpínká àwọn ọrọ̀. Bí àpẹẹrẹ, àwọn agbègbè oníye-ènìyàn púpọ̀ bíi Èkó àti Kánò yóò rí ọrọ̀ púpọ̀ gbà ju àwọn agbègbè oníye-ènìyàn kékeré.

(9) It helps the government to provide social amenities # Ó máa ń ṣèrànwọ́ fún ìjọba láti pèsè àwọn ohun amúlùúdùn.

(10) Determination of population density # Ìpinnu lórí dídí àwọn olùgbélùú: Ó máa ń ṣèrànwọ́ fún ìjọba láti mọ àwọn agbègbè orílẹ̀èdè níbi tí iye-ènìyàn fún agbègbè ilẹ̀ ti ga tàbí kéré.

(11) It reveals level of manpower # Ó ń ṣàfihàn àkàsọ̀ àpapọ̀ òṣìṣẹ́: Ó ń ṣèrànwọ́ láti ṣàfihàn àpapọ̀ iye àwọn ẹni tó ń ṣiṣẹ́.

(12) Giving of aids # Ìfúnni ní àrànṣe: Ìkànìyàn máa ń ṣèrànwọ́ fún àwọn àjọ àgbáyé àti àwọn ìjọba lórí ìfúnni ní àrànṣe àti ìrànwọ́ mìíràn ní àwọn orílẹ̀èdè.

(13) Investment decisions # Ìpinnu ìdókòwó: Ó máa ń ṣèrànwọ́ fún àwọn olùdókòwò àgbáyé láti ṣe ìpinnu ìdókòwò. Ọ̀pọ̀ olùdókòwò àgbáyé ní ìfẹ́-ọkàn sí àti-bẹ̀rẹ̀ òwò ní Nàìjíríà nítorí iye-ènìyàn rẹ̀ tó pọ̀.

(14) Allocation of parliamentary seats # Pínpín àga iléègbìmọ̀ aṣòfin: Iye-ènìyàn ní a sábà máa ń lò ní Nàìjíríà láti pín àwọn àga iléègbìmọ̀ aṣòfin. Àwọn ìpínlẹ̀ tó ní iye-ènìyàn púpọ̀ ni a máa ń fún ní àwọn àga iléègbìmọ̀ aṣòfin púpọ̀ ju àwọn ìpínlẹ̀ tó ní iye-ènìyàn kékeré.

*Problems associated with population census # Àwọn ìṣòro tó ní í ṣe pẹ̀lú ìkànìyàn*

(1) High level of illiteracy # Àkàsọ̀ gíga ní ti àìmọ̀ọ́nkọ-mọ̀ọ́nkà: Àwọn ìwífúnni tí a máa ń rí gbà lọ́dọ̀ àwọn aláìmọ̀ọ́nkọ-mọ̀ọ́nka sábà máa ń jẹ́ irọ́ àti aṣinilọ́nà.

(2) High cost # Ìnáwó ńlá: Iye owo gọbọi la mán ń lò láti ṣètò ìkànìyàn.

(3) Political problem # Ìṣòro ọ̀rọ̀-òṣèlú: Níwọ̀n ìgbà tó jẹ́ pé ìkànìyàn ni a máa ń lò láti pín àwọn ọrọ̀ sí àwọn ìpínlẹ̀ orílẹ̀èdè, àwọn fígọ̀ ìkànìyàn ni a sábà máa ń ṣèké sí láti mú kí àwọn ìpínlẹ̀ kan jèrè àwọn ọrọ̀ ju àwọn ìpínlẹ̀ mìíràn.

(4) Geographical barriers # Àwọn gàgá onímọ̀-ilẹ̀: Púpọ̀ jùlọ nínú àwọn ìletò ni kò ṣe í dé nítorí òkè, àfonífojì, odo, abbl. Èyí mú kí ìkànìyàn ṣòro ní àwọn agbègbè yìí.

(5) Lack of trained personnel # Àìsí àwọn òṣìṣẹ́ alákọ̀ọ́mọ̀ọ́nṣe: Àwọn òṣìṣẹ́ alákọ̀ọ́mọ̀ọ́nṣe bíi àwọn akànìyàn ni a kì í rí nírọ̀rùn. Fún ìdí èyí lílò àwọn òṣìṣẹ́ aláìkọ́mọ̀ọ́nṣe láti ṣètò ìkànìyàn máa ń yọrí sí àwọn àbọ̀ aláìṣegẹ́gẹ́.

(6) Religious believes # Ìgbàgbọ́ ẹ̀sìn: Ìgbàgbọ́ ẹ̀sìn àwọn kan jẹ́ ìṣòro gbòógí tí a máa ń bápàdé lásìkò ìkànìyàn.

(7) Lack of transportation # Àìsí ìgbérìnkèrindò: Ọ̀pọ̀ àwọn agbègbè ìgbèríko kò ní ọ̀nà tó ṣe í fọkọ̀ rìn, èyí sì máa ń dènà tàbí fa ìdíwọ́ fún àwọn olùkà láti dé àwọn ìletò kan.

(8) Lack of communication facilities # Àìsí ìrọ̀rùn ìbáraẹnisọ̀rọ̀: Àwọn ìrọ̀rùn ìbáraẹnisọ̀rọ̀ tó mẹ́hẹ tàbí tí kò sí rárá máa ń mú kí ìkànìyàn ṣòro gidi, pàápàá ní àwọn agbègbè ìgbèríko.

(9) Poor regional planning # Àlàkalẹ̀ agbègbè tó mẹ́hẹ: Ọ̀pọ̀lọ́pọ̀ ìlú àti àwọn abúlé ní a kò àlàkalẹ̀ rẹ̀. Lọ́pọ̀lọpọ̀ ìgbà, àwọn ilé máa ń fọ́nká, apákan nínú wọn kò sì ní nọ́ńbà. Èyí máa ń mú kó ṣòro fún àwọn òṣìṣẹ́ ìkànìyàn láti ṣètò ìkànìyàn aláṣeyọrí.

(10) Tax evasion # Ìsá fún owóorí: Látàrí àkàsọ̀ gíga ní ti àìmọ̀ọ́kọ-mọ̀ọ́nkà àti àìmọ̀kan, àwọn ènìyàn sábà máa ń pèsè ìwífúnni èkè lásíkò ìkànìyàn pẹ̀lú ìgbagbọ́ pé ìfọwọ́sowọ́pọ̀ kíkún yóò yọrí sí sísan owóorí tó ga.

~Hakeem O. Adeniyan, 4/2/2022

+2347034251583

Search This Blog

Economics In Yoruba Language

POPULATION CENSUS # ÌKÀNÌYÀN

Comments

Post a Comment

Popular posts from this blog

MONEY EXPLAINED IN YORUBA LANGUAGE # OWÓ

COMMERCIAL BANKS # BÁŃKÌ KÁRÀKÁTÀ

AGRICULTURE # IṢẸ́-Ọ̀GBÌN