SOLE PROPRIETORSHIP # ÌJÓLÙNI ẸLẸ́NÌKAN

By Hakeem O. Adeniyan on Wednesday, March 02, 2022

Oríkì: Ìjólùni ẹlẹ́nìkan ni a le kì gẹ́gẹ́ bíi ìrí àdáwọ́lé òwọ̀ kan èyí tí a ni, tí a fún ní owónàá, tí a sì darí lọ́wọ́ ẹnìkan ṣoṣo pẹ̀lú àfojúsùn alákọ̀ọ́kọ́ láti mú èrè tóbi jùlọ. Ìjólùni ẹlẹ́nikan, èyí tí ọ̀pọ̀lọpọ̀ mọ̀ sí òwò ẹlẹ́nìkan ṣoṣo, ni oríṣi ìgbékalẹ̀ òẁ pípẹ́ jùlọ àti awọ́pọ̀ jùlọ.

A lè rí àpẹẹrẹ ìjólùni ẹlẹ́nikan lọ́dọ̀ àwọn tẹ̀wétẹ̀wé, aránṣọ, atóríṣe, àti àwọn olórin.

*Characteristics Of Sole Proprietorship # Àwọn Àbùdá Ìjólùni Ẹlẹ́nìkan*

1. Ownership # Níni: Ẹnìkan ṣoṣo ló ni àdáwọ́lé òwò náà.

2. Objective # Èròńgbà: Èròńgbà gbòógì òwò ẹlẹ́nìkan ṣoṣo ni láti jèrè.

3. Source of capital # Orísun ojúowó: Olùni ló máa ń pèsè ojúowó láti bẹ̀rẹ̀ òwò náà àti láti mu un ṣiṣẹ́.

4. Liability # Àtijẹ̀bi: Olùni ẹlẹ́nìkan ní àtijẹbi aláìnígbèdéke.

5. Legal entity # Ìgbékalẹ̀ lábẹ́ òfin: Ìjólùni ẹlẹ́nìkan kì í ṣe ìgbekalẹ̀ lábẹ́ òfin nítorí pé a kò lè ya olùni s̀́tọ̀ kúrò lára òwò rẹ̀ lábẹ́ òfin.

6. Management # Ìdarí: Olùni ẹlẹ́nìkan fúnra rẹ̀ ló máa ń kójàánu, tó sì ń darí òwò náà.

7. Lifespan # Gúngùn ẹ̀mí: Gungun ẹ̀mi òwò gbára lé olùni. Àdáwọ́lé náà lè kógbáwọlé nígbàkúùgbà.

*Source of Capital of a Sole Proprietorship # Orísun Ojúowó fún Ìjólùni ẹlẹ́nìkan*

1. Personal savings # Àwọn àfipamọ́ aláraẹni

2. Loan from friends # Ẹ̀yáwó láti ọ̀dọ̀ àwọn ọ̀rẹ́

3. Trade credit # Ìgbàwìn ọjà

4. Loan and overdraft from banks # Ẹ̀yáwó àti àsanlé láti báńkì

5. Grants or loans from government # Ìfuǹni tàbí ẹ̀yáwó láti ọ̀dọ̀ ìjọba

*Advantages Of Sole Proprietorship # Àwọn Àǹfààní Ìjólùni Ẹlẹ́nìkan*

1. It involves small capital. # Ó nílò ojuowó kékere.

2. It is easy to establish. # Ó rọrùn láti dá sílẹ̀.

3. Decisions can be taken quickly. # Àwọn ìpinnu ṣeéṣe kíákíá

4. It is easy to manage. # Ó rọrùn láti darí.

5. It requires small operation. # Ó nílò ìmúṣiṣẹ́ kékere.

6. All profits belong to the owner. # Gbogbo èrè jẹ́ ti olùni.

7. Sole proprietorship can thrive in all business environments. # Ìjólùni ẹlẹ́nìkan ṣe í lọ́yè ní onírúurú àyíká òwò.

8. There is privacy in conducting business affairs. # Ídákọ́ńkọ́ wà nínú ìmúrìn ọ̀rọ̀ òwọ̀ náà.

9. There is a close relationship between owner and employee. # Ìbáṣepọ̀ pẹ́kípẹ́kí wà láàárín olùni àti òṣìṣẹ́ rẹ̀.

10. There is a close relationship between owner and customers. # Ìbáṣepọ̀ pẹ́kípẹ́kí wà láàárin olùni àti àwọn oníbàárà rẹ̀.

11. The sole proprietor enjoys personal rewards because he has personal interest in the business. # Olùni ẹlẹ́nìkan máa ń gbádùn àwọn ẹ̀san aláraẹni nítorí pé ó ní ìfẹ́ aláraẹni sí òwọ̀ náà.

12. There is effective planning. # Àlàkalẹ̀ jíjáfáfá máa ń wà.

*Disadvantages Of Sole Proprietorship # Àwọn Àìláǹfààní Ìjólùni Ẹlẹ́nìkan*

1. Problem of continuity # Ìṣòro ìtẹ̀síwájú: Tí ikú olùni bá ṣẹlẹ̀, òwò náà lè kú pẹ̀lú rẹ̀, àgàgà tó bá jẹ́ pé kò sí ajogún tí yóò gbaṣẹ́ lọ́wọ́ rẹ̀.

2. Inadequate capital # Àìtó ojúowó

3. The sole proprietor bears all risks alone. # Olùni ẹlẹ́nìkan ló máa ń dánìkan forí la àwọn ewu.

4. Sole proprietorship has unlimited liability. # Ijólùni ẹlẹ́nìkan ní àtijẹbi aláìnígbèdéke: Bí ìkùnà òwò náà bá ṣẹlẹ̀, àwọn ohun-ìní àti dúkìá olùni ẹlẹ́nìkan ni yóò di títà láti sanwó fún àwsn ayánilówó rẹ̀.

5. It is not a separate legal entity. # Kì í ṣe ìgbékalẹ̀ abẹ́ òfin tó dádúró: Lábẹ́ òfin, kò sí ìyàtọ̀ láàárín olùni ẹlẹ́nìkan àti òwò náà fúnra rẹ̀. Òwò náà kò lè peni lẹ́jọ́ tàbí kí á pè é lẹ́jọ́ lábẹ́ ẹ̀tọ́ ara rẹ̀.

6. He lacks specialization. # Kò ní ìlákànṣe: Olùni fuǹra rẹ̀ máa ń wà nínú gbogbo abala òwò náà. Ó máa ń ṣiṣẹ́ kára; ó sì lè má gba ìsinmi àjọni, kì í sì í sábà sinmi. Lọ́pọ̀ ìgbà, tí ó bá ṣàìwá, òwò náà lè tì fún ìgbà díẹ̀.

7. There is limitation in expansion. # Gbèdéke wà fún ìgbèrú. Ìjólùni ẹlẹ́nìkan máa ń jìyà àtigbèrú látàrí àìtó ojúowó.

Search This Blog

Economics In Yoruba Language

SOLE PROPRIETORSHIP # ÌJÓLÙNI ẸLẸ́NÌKAN

Comments

Post a Comment

Popular posts from this blog

MONEY EXPLAINED IN YORUBA LANGUAGE # OWÓ

COMMERCIAL BANKS # BÁŃKÌ KÁRÀKÁTÀ

AGRICULTURE # IṢẸ́-Ọ̀GBÌN

SOLE PROPRIETORSHIP # ÌJÓLÙNI ẸLẸ́NÌKAN

Comments

Post a Comment

Popular posts from this blog

*MONEY EXPLAINED IN YORUBA LANGUAGE # OWÓ*

COMMERCIAL BANKS # BÁŃKÌ KÁRÀKÁTÀ

*AGRICULTURE # IṢẸ́-Ọ̀GBÌN*

MONEY EXPLAINED IN YORUBA LANGUAGE # OWÓ

AGRICULTURE # IṢẸ́-Ọ̀GBÌN